ELMU NGADU KALECI


MEGAT MUNTAH
[maskumambang]

moal hilap basa urang nuju alit
seueur kaulinan
misalna ngadu kaleci
resep lamun megat muntah

ku gondolo nyentang teh apan babari
ngeunah megat muntah
batur urang kalah nyengir
nu eleh teh kudu mayar

urang nyentang biasana tipandeuri
batur nu tiheula
lamun keuna pareng hasil
mucekil gede angkana

silokakeun ka sababaraha nagri
asia aprika
parasea silih bedil
jeung dulur silih tandasa

aya ratu dianggap rayat teu adil
nya atuh di jorag
digubrug ku demontrasi
istana oge diruag

mun teu matih ku batur di propokasi
dibere senjata
alasan mah demokrasi
silib nu hayang ngajajah

nagri ancur rahayat mah angger miskin
batur nu sugihna
ngeduk rupa hasil bumi
ngabeungharkeun nu ngerehna

ngereh nagri beda deui jeung bihari
nyilib henteu nembrak
dibungkus globalisasi
ngalawan karek diruksak

diadukeun ku cara make pulitik
sina parasea
bangsa nu pahiri-hiri
gampang pisan dipeupeuhna

lamun urang henteu sadar jeung teu eling
tangtu ngarandapan
matak ra’yat jeung pamingpin
kudu sareundeuk igelna

nyokot contoh ti tadi ngadu kaleci
batur megat muntah
urang anu bakal rugi
diluluh teu walakaya


skmi 16122011
by Mang Jojo on Friday, December 16, 2011 at 10:44pm

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s