BODO KATOTOLOYOH


NYIEUN KONSEP SURAT
[gambuh]

isuk isuk dicaluk
ku dunungan teh di titah asup
diparentah yen ayeuna kudu ngirim
surat dines keur gupernur
eusina teh rek ngalapor

tata naskah geus baku
alinea diwatesan tilu
marjin luhur reujeung handap katut gigir
paragrapna kudu ngelok

nulis kudu satuhu
kecap-kecap rea nu geus puguh
ku urang henteu meunang asal diganti
jadi geus aya papagon

trek ngetik mencetan ‘tuts’
tapi kuring ngarasakeun bingung
nya kumaha carana lamun rek ngetik
kuring kalah talag tolog

era rek nanya batur
antukna teh kalah huleng jentul
sedengkeun surat eta dianti-anti
diketik aksara ngaclok

ceuk batur eta virus
virus harita cenah mahabu
aduh kuring teh kalah beuki teu ngarti
tungtungna kalah olohok

ditunggu jam sapuluh
surat teh geus kudu make baju
jadi boga dangka satengah jam deui
atuh kesang kalah ngoprot

ngetik rusuh teu puguh
kalimahna ge asa teu puguh
henteu apal ngaratakeun gigir ‘baris’
dipaksa teh kalahka aranggang deui
duh bodo katotoloyoh

waktu geus jam sapuluh
kalah rieut dina embun-embun
tapi kadenge aya sora nyelenting
dunungan indit ka bogor

hate asa katulung
surat keur gupernur henteu tulus
engke bae minggu hareup poe kemis
kuring teh kacida atoh

isukan poe saptu
niat rek ngahaja milu kursus
pareng pakanci opat poe ditiir
kapok jadi jalma bodo


skmi 25112011
by Mang Jojo on Friday, November 25, 2011 at 8:19am

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s