TONG KAKANTUN KU JAMAN


PANGAJARAN TINA PLASTIK
[asmarandana]

sagala rupi teh plastik
mung henteu acan mendakan
plastik nu didamel seeng
panci angeun nya lalayah
kitu deui katel leah
duka engke mah kapayun
naha kitu bakal aya

bubungkusan mah tos lami
kitu deui wawadahan
ti kawit kantong keresek
tug dugi ka piring gelas
misting mangkok katut rantang
daun cau daun tisuk
ayeuna kantun waasna

damis digentos ku plastik
dineuhneuran ku silika
digentos oprasi botok
awet anom katingalna
tapi pami leres gagal
ngagayot teras ngulumbruk
raray teh siga nu ngambay

pangambung nu henteu bangir
teu kedah sesah ngemutan
asal urang gaduh artos
ngongkonkeun oge tiasa
model hateup julang ngapak
teu demes siga kapungkur
ayeuna mah mancung pisan

tah nya kitu teknologi
urang teh kedah ngigelan
malihan mah langkung sae
pami urang nu nimuna
ulah ngan resep nganggona
sarat kedah gaduh elmu
paktekna panalungtikan

urang teh ngaraos isin
kakantun majengna jaman
malahan asa moyodok
mung janten sasaran pasar
benten pisan jeung baheula
prinsip karuhun dikantun
otak teh kurang motekar

ki sunda kunaon lami
pan titadi teh tos gugah
panon bet kalah olohok
ieu dinten atos siang
tong talangke tur hoream
sok geura tilepan sarung
ulah jiga sikabayan


skmi – 05022011
Saturday, February 5, 2011 at 9:17pm

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s