DEAD WOOD


CATANG NGABUAH SUPA
[kinanti]

nu palinter teh ngarumpul
ngobrol siga rapat resmi
nyawalakeun nanasiban
hayang bisa naek gajih
pasilitas hayang nambah
ambeh henteu rea ingkig

sifat ku iga ka kurung
kabeh hayang nganalisis
paradigmana teu robah
dungdeng marebutkeun pikir
ceuk nu hiji saderhana
nu sejen kalah pabeulit

topikna mah rada alus
masalah akses nu rumit
‘updit’ data teu akurat
kumaha supaya valid
nu make na oge gampang
da sarepuh aki-aki

ceuk nu hiji teh satuju
ke heula sing ati-ati
eta ceuk paham kadua
da sieun manipulasi
padahal keur maranehna
can nanaon enggeus inggis

nu ngadenge seuri maur
sabab nyaho sual ‘ai-ti’
tapi hoream ngalokan
sababna enggeus kajudi
ngan saukur keur wacana
malah ukur debat kusir

tapi basa keur dilamun
deudeuh jeung karunya teuing
nanasiban pangsiunan
lir ibarat catang kai
‘ded wud’ ceuk basa inggrisna
buahna ngan supa geuning

inflasi nerekel terus
ke sapuluh taun deui
gajih teh taya regana
da teu naek ti bihari
sadek bisluit katampa
wayahna da meureun nasib


skmi – 17022011
Thursday, February 17, 2011 at 5:42pm

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s