ERA – KABOGOH


KABOGOH
[wirangrong]

aya istri jangkung alit
pependak sareng kabogoh
barang srog teh kalah bingung
basa keur ditilik-tilik
naha bet sami rupina
sihoreng geuningan kembar

tiluan terus arindit
nu dituju nya eta mol
dijalan si istri labuh
tisoledat nincak oli
ngalamun implengan panjang
kabogoh uing nu mana

jajaka kalah sareuri
ningal istri nu aneprok
si istri ge jadi bingung
naha bet kalah caricing
ningal polah dua jalma
kacida embung nulungan

waktu si istri rek malik
anjeuna janten olohok
geuningan bet aya tilu
nu di tukang hiji deui
lalaki anu sarupa
tapi nu ieu mah apal

luak lieuk bari seuri
si istri teh tumpa tempo
ka jajaka anu tilu
sanggeusna disidik sidik
tapi nu tukang mah enya
yakin eta kabogohna

cirina teh minyak seungit
anu disebut kolonyo
da nu dua mah teu kitu
seungitna teh da melenghir
kaangseuh basa keur leumpang
horeng teh kembar tiluan

uman imen tah si istri
salah bade da teu nyaho
sihoreng teh lamun kitu
jadi anu leumpang tadi
jajaka dua tiheula
piadibeuteungeunana


skmi -26112010

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s