KOKOLOTEUN JEUNG KOLOTEUN


KOLOTEUN
[asmarandana]

kokoloteun anu tadi
ciciren tos seueur yuswa
eta teh apan totonde
panginget ka diri urang
panginten sengserang barzah
pan urang bakal dikubur
lamun mangsana geus datang

umur jasad henteu lami
kudratna keuna ku ruksak
urang moal anom bae
sanajan dikukumaha
dioprek tur diakalan
edah plastik di’onderhut’
eta mung saheulaanan

diimpleng dipikir-pikir
urang sok sagala hayang
keur sakola hayang pere
keur pere hayang sakola
antagonis pasalia
hayang gawe lamun nganggur
nu nganggur bosen ngalamar

geuning basa urang leutik
sakapeung mah rajeun nyawang
hayang buru-buru gede
sakola siga si akang
sagala bisa kahontal
urang sakola teh junun
ek ngahontal cita-cita

ninggang diri jalma leutik
lieuk euweuh ragap taya
peta teh henteu talangke
kudu rancingeus usaha
koloteun sagala rupa
ngabantu nu jadi indung
mantuan nu jadi bapa

teu nolih batur di gigir
nu kolotna jegud pisan
mun hayang teh ngan kari pok
sagalana ditedunan
tara aturan dicawad
nincak taneuh teu lumaku
da gawena sesedanan

rumasa jalma nu peurih
urang teu bisa ogoan
sanajan umur can kolot
tapi dalah dikumaha
barina ge da teu salah
koloteun urang teh kudu
malah mandar jadi bagja

sawareh mah aya deui
lampahna teu sadar-sadar
bubudakeun mulan malen
hayangna teh dihuapan
sagalana euweuh gadag
sanajan geus cukup umur
geuning teu daek dewasa


[hanca]
mrj-06102010

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s