KONPRONTASI


NGAN SAUKUR HANSIP
[durma]

basa dina taun genep puluh opat
keur usum konprontasi
jeung malaesia
di kampung gejah pisan
ra’yat teh diajar baris
keur wanci ashar
mun ngarodon sareuri

harita mah awewa teu dicalana
umumna teh disamping
kebat anu ngambay
henteu cara ayeuna
pangaruh emansipasi
tapi budaya
jati kasilih junti

unggal imah pasti kabeh ge sadia
bangkol teh tina awi
nu ngait puhuna
bagol akar teu dipapas
tapina anggur dikerik
gagangna nolad
jujul congona leutik

harita teh kocap bahaya udara
ra’yat teh taki-taki
taraje nyangsaya
ember oge sadia
cempor ge kudu laleutik
ulah sok caang
tah kitu jaman genting

duka kumaha mun engke kajadian
der aya perang deui
tapi ah palias
jeung da aya tentara
dibantu rea pulisi
anu sayaga
kuring mah da ngan hansip


skmi-28092010-18091431

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s