RAMADHAN (3)


MUNGGAH-III
[kinanti]

memeh munggah sok parebut
nangtukeun poe mustari
sasih siam di kawitan
sok sanajan sami hadits
nu hiji dasarna hisab
ru’yatul hilal nu lain

utamana mah lamun ‘en-u’
ru’yatul hilal dipipilh
muhammdiyah mah hisab
boga hujjah masing masing
sok mangga pilih nu mana
lamun urang enggeus yakin

mun hisab asal geus wujud
ceuk itungan astronomi
henteu wajiib ditenjoan
muncunghulna bulat sabit
cukup katoong ku akal
ngagunakeun matematik

ru’yatul hilal ngagugu
kasaksen ainal yaqin
sanajan ngan sajorelat
ningali bulan sapasi
da kitu ujrat hadits-na
dawuhan ti kangjeng nabi

hisab ceteris paribus
hartina nu sejen cicing
pangaruh luar dipungpang
sanajan bisa ngajadi
itungan geus tia anggalna
pasti henteu robah deui

ru’yat nu nyaksen ngarumpul
lolobana di basisir
atawa di tanah lapang
toropong jeung mata bugil
mencrong ufuk liwat asar
ngadodoho obyek langit

opat darajat mah kudu
ceuk sakaol ampir pasti
bulan tiasa katingal
nu ngaru’yat bulan arit
kitu ge mun taya mega
ngahalangan nu ningali

dua darajat ceuk en-u
ancer ancer tacan pasti
tapi ceunah ceuk pa thomas
anu ahli astronomi
juru sakitu teu cekap
kedahna naek sakedik

panasaran hayang weruh
nitah budak sina ngintip
na internet teorina
dibarung ku simulasi
geuning kitu pamiarsa
kabeh teu sampurna geuning

anu bieu geus kasebut
katilik kabeh ge pasti
perlu sawala ulama
malah mandar ra’yat dhoip
henteu bingung reujeung ringrang
ibadah yakin jeung tingtrim.


wallahu a’lam.
tangerang 09082101

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s